Працяг кітайскага страйку ў Добрушы: будаўнікі не выйшлі на працу

Кітайскія рабочыя з Добруша на працу сёння так і не выйшлі, бо заробак атрымалі толькі за два месяцы, паведамляе "Камсамольская праўда".

У пятніцу, 3 ліпеня, паведамлялася, што запазычанасць будаўнікам пагасілі ў поўным аб'ёме. Больш яны прэтэнзій не маюць, паведамілі ў той дзень карэспандэнту "Нашай Нівы" забастоўшчыкі.

Запазычанасць па заробках за 3 месяцы складала ад 9 да 10 тыс. юаней, што па курсе НБ РБ эквівалентна 22,3-24,8 млн рублёў, або ў сярэднім ад 7,4 да 8,3 млн за месяц.

Нагадаем, што кітайскія рабочыя, што працуюць на будаўніцтве кардоннага камбіната ў Добрушы, зладзілі ў чацвер, 2 ліпеня, страйк і маршам прайшлі ў Гомель, пратэстуючы супраць нявыплаты заробкаў за тры месяцы.