Шэраг баптысцкіх цэркваў аштрафаваныя ў Беларусі ў 2015 годзе

"Былі візіты. Штрафы рэдкія, але бываюць", - паведаміў Forum18 прадстаўнік адной з баптысцкіх цэркваў, які пры гэтым адмовіўся распавесці падрабязнасці.

Таксама па гэтым артыкуле пераследуюцца Сведкі Іеговы, якія раздаюць сваю літаратуру мінакам на вуліцы. "Нават калі яны стаяць у адзіночку, ім часцяком прыпісваюць масавую дэманстрацыю", - заяўляюць вернікі. Пры гэтым яны адзначылі, што тых, хто займаецца жабраваннем, нават калі яны былі з плакатамі ў руках, у масавых мерапрыемствах не вінавацяць.

У 2015 годзе адзін падобны выпадак зарэгістраваны ў Магілёве, суполцы якога яшчэ ў 2010 годзе пагражалі ліквідацыяй за падобныя парушэнні.

Член аб’яднання Сведак Іеговы Андрэй Кузін аштрафаны за правядзенне несанкцыянаванага рэлігійнага сходу ў сябе дома ў Барысаве 20 снежня 2014 года на 3,75 млн рублёў.

19 чэрвеня суд Цэнтральнага раёна Гомеля аштрафаваў пастара абшчыны хрысціян веры евангельскай Царква Божая "Праабражэнне" Сяргея Нікалаенку на 20 базавых велічынь, або 3,6 млн рублёў, за правядзенне няўзгодненага з уладамі набажэнства.

На такую ж суму 8 чэрвеня суд Светлагорскага раёна аштрафаваў па той жа прычыне прасвітара суполкі Міжнароднага саюза цэркваў евангельскіх хрысціян-баптыстаў Уладзіміра Дайнеку і верніка Юрыя Валадзенку.