Суд Мінскага раёна арыштаваў актывістаў "Еўрапейскай Беларусі" на суткі

22 чэрвеня ў Мінскім раённым судзе вынесеныя прысуды актывістам «Еўрапейскай Беларусі» Максіму Вінярскаму, Леаніду Кулакову і Сяргею Мацкойцю, якія выходныя правялі ў ізалятары часовага ўтрымання, паведамляе ПЦ "Вясна".

Усіх трох затрымалі ў пятніцу за вывешванне расцяжкі "Свабоду Юрыю Рубцову!" на выездзе з Лагойскага тракту і склалі пратаколы за адміністрацыйнае правапарушэнне.

Сяргея Мацкойця абвінавацілі ў парушэнні парадку арганізацыі ці правядзення масавага мерапрыемства (ч. 1 арт. 23.34 КаАП) і асудзілі да 5 сутак адміністрацыйнага арышту. Суддзя -С.Ткачук.

Максіма Вінярскага асудзілі па частцы 3 таго ж артыкула - правапарушэнне, здзейсненнае паўторна на працягу года. Суддзя М. Гарэлаў пакараў Вінярскага  арыштам на 10 сутак.