Гомельская міліцыя палюе на людзей у майках з надпісамі

"Мяне адвезлі ў Цэнтральны райаддзел міліцыі. Прапаршчык Віталь Музычэнка заявіў, што на майцы забаронены надпіс. Другі міліцыянт не хацеў сябе назваць. У пастарунку ахоўнікі сталі пісаць рапарты на абставіны затрымання. Больш за гадзіну я правёў у РАУСе. Прыйшоў дзяжурны супрацоўнік крымінальнага вышуку, пагутарыў са мною і адпусціў", - распавёў Уладзімер Няпомняшчых "Радыё Свабода".

Пасля вызвалення Уладзімер наведаў міліцэйскую службу аховы Цэнтральнага раёну, даведаўся прозвішча напарніка Музычэнкі - гэта быў прапаршчык Яўген Ярошык.

Актывіст мае намер спагнаць з ахоўнікаў выдаткі за незаконнае затрыманне і за вымушаны праезд у грамадскім транспарце і атрымаць тлумачэнні ад кіраўніцтва на незаконныя дзеяньні падначаленых службоўцаў.

"Майкі з падобнымі ды іншымі надпісамі я нашу ўжо больш як дзесятак гадоў. Да апошняга часу міліцыя не знаходзіла ў гэтым нейкіх парушэнняў. Хіба толькі пасля справы нашага земляка Юрыя Рубцова, чалавека-майкі, якога ўпяклі за краты за надпіс на майцы і грудзях „Лукашэнка, сыходзь“. Міліцыя, відаць, стала палохацца любых пазнакаў на адзенні", - гаворыць грамадскі актывіст.