Алесь Бяляцкі выступіў на паседжанні Рады ААН у Жэневе (відэа)

5 сакавіка віцэ-прэзідэнт Міжнароднай фэдэрацыі за правы чалавека, старшыня Праваабарончага цэнтру «Вясна» Алесь Бяляцкі выступіў на 28-й сесіі Рады па правах чалавека ААН ў Жэнэве,  паведамляе ПЦ "Вясна".

У сваім троххвілінным выступе Алесь Бяляцкі змог раскрыць важнасць дзейнасці праваабаронцаў і праблемы пераследу праваабаронцаў і сацыяльных актывістаў у Беларусі і свеце. А таксама звярнуў увагу на неабходнасць прымянення мераў для іх абароны на міжнародным узроўні.

“Праваабаронцы сутыкаюцца са шматлікімі перашкодамі ў сваёй дзейнасці. Пастаянна падвяргаюцца пагрозам, нападам, жорсткаму абыходжанню, забойствам, гвалтоўным знікненням, паклёпу, незаконным сачэнням, адвольным затрыманням. Супраць іх накіраваны законы, якія вызначаюць іх легітымную дзейнасць, як антыдзяржаўную, і якія навешваюць на іх зневажальны, хлуслівы ярлык «замежных агентаў», як гэта робіцца ў Расіі”, - сказаў праваабаронца падчас выступу.

Алесь Бяляцкі змог раскрыць важнасць дзейнасці праваабаронцаў і праблемы пераследу праваабаронцаў і сацыяльных актывістаў у Беларусі http://spring96.org/be/news/7598