Абвешчаны шорт-ліст прэміі Гедройца

17.05.2014 Надзея Калiнiна, ЕўраБеларусь

Фота Службы інфармацыі "ЕўраБеларусі"

Ва ўтульнай кнігарні "ЛогвінаЎ", схаваўшыся ад дажжу, сябры "Пятніцы з Гедройцамі" 16 мая правялі заключную вечарыну.

Пасля прадстаўлення трох кніг беларускіх аўтараў - “Дараванне” Алены Брава, “Errata” Сяргея Дубаўца і “Зкімбы-зымбы” Аляксандра Лукашука - сябра журы Альгерд Бахарэвіч агучыў шорт-ліст літаратурнай прэміі Ежы Гедройца.

У яго ўвайшлі:

Ігар Бабкоў. Хвілінка: Тры гісторыі. — Мінск: “Логвінаў”.

Алена Брава. Дараванне. Прощение. Vergebung. — Мінск: “Звязда”.

Сяргей Вераціла. Разбітае сэрца Вітаўта. — Мінск: “Мастацкая
літаратура”.

Артур Клінаў. Шклатара. — Мінск: “Логвінаў”.

Вінцэсь Мудроў. Багун. — Полацк: “Полацкае ляда”.

Людміла Рублеўская. Ночы на Плябанскіх млынах. — Мінск: “Мастацкая
літаратура”.

2 чэрвеня адзін з гэтых аўтараў на ўрачыстай цырымоніі атрымае чэк на суму 10 тысяч еўра.

- Для беларускага пісьменніка грашовая прэмія мае важнае значэнне, - адзначае Альгерд Бахарэвіч. – Беларускі літэратар, як правіла, жыве не з літаратуры. Таму такая сума дапаможа пісьменнікам нават нейкі час сканцэнтравацца менавіта на творчасці. Любому пісьменніку прыемна атрымаць дывідэнды з таго, што ён піша. Любая ейрапейская краіна мае такую прэмію з рознымі памерамі ўзнагарод.

Заснаваная ў 2011 годзе, сёлета прэмія за найлепшую кнігу, напісаную на беларускай мове ў жанрах мастацкай прозы і эсэістыкі будзе ўручацца трэці раз.

Раней пераможцамі станавіліся “Зборная РБ па негалоўных відах спорту” Паўла Касцюкевіча і “Аўтамат з газіроўкай з сіропам і без” Уладзіміра Някляева.

Уводзіны ў філасофію Уладзіміра Мацкевіча. Серыя размоў (Аўдыё)

21.05.2020 Лятучы ўніверсітэт

Размова дванаццатая — пра з’яўленне каштоўнасцей і Бога ў ідэальным плане і радыкальны паварот у развіцці інстытута філасофіі.

Право на наследие по стандартам Конвенции Фаро: возможно ли в Беларуси?

31.03.2020

27-28 марта Беларусский комитет ICOMOS и МНГО "ЕвроБеларусь" провели экспертный онлайн-семинар о расширении возможностей участия сообществ в управлении историко-культурным наследием.