24 красавіка ў Мінску — панэльная дыскусія "Савецкая адукацыя была добрая?"

Дыскусію "Савецкая адукацыя была моцная? Чаму нам неабходна перастаць чапляцца за старыя падыходы і пераасэнсаваць стаўленне да вышэйшай адукацыі" ладзіць Цэнтр новых ідэй.

Беларускае грамадства ўвайшло ў XXI стагоддзе з процьмай ідэй, якія засталіся нам у спадчыну ад Савецкага Саюзв ці традыцыйнага грамадства.

У Беларусі гэтыя ідэі працягваюць жыць і квітнець. Калі ж мы хочам, каб эканоміка развівалася, а грамадства рабілася заможнейшым, нам трэба ачысціць сваё мысленне.

Цэнтр новых ідэй пачынае спецпраект "Зомбі ідэі", дзе цягам чатырох сустрэч будуць прэпаравацца і аналізавацца меркаванні, якія палічыць "шкоднымі".

Першая дыскусія — пра савецкую адукацыю. Чым яна своеасаблівая? Беларуская адукацыя — яна савецкая ці не? Што трэба рабіць з беларускай вышэйшай школай, каб яна адпавядала патрабаванням XXI стагоддзя? Ці ёсць надзея ўвогуле ажывіць беларускія ВНУ? І, нарэшце, ці робіцца для гэтага нешта сёння?

Удзельнікі дыскусіі:

• Уладзімір Мацкевіч, філосаф і метадолаг, кіраўнік Агенцтва гуманітарных тэхналогій, заснавальнік Лятучага ўніверсітэта;
• Уладзімір Дунаеў, кандыдат філасофскіх навук, прафесар, адзін з заснавальнікаў і першы прарэктар ЕГУ (1992-2008), сябра Грамадскага Балонскага камітэта;
• Таццяна Сініца, кандыдат псіхалагічных навук, дацэнт кафедры псіхалогіі БДУ.

Дыскусія "Савецкая адукацыя была моцная? Чаму нам неабходна перастаць чапляцца за старыя падыходы і пераасэнсаваць стаўленне да вышэйшай адукацыі" адбудзецца 24 красавіка, у аўторак, у мінскім Культ. цэнтры "Корпус" (прасп. Машэрава, 9, корп. 8). Пачатак — а 19-й гадзіне. Уваход вольны, але па папярэдняй рэгістрацыі (колькасць месцаў абмежаваная)!

UPD. Відэазапіс анлайн-трансляцыі: