Праграма "Грамадскі аўдыт" для некамерцыйныйх арганізацый

У межах праграмы беларускія НКА атрымаюць усебаковую ацэнку адпаведнасці іх фінансавай дзейнасці патрабаванням заканадаўства, якая будзе ўключаць у сябе аўдытарскую праверку з боку атэставанага беларускага аўдытара, згодна з Міжнароднымі стандартамі фінансавай справаздачнасці і беларускім заканадаўствам.

Мяркуецца, што агульны час ацэнкі прадастаўленых арганізацыямі-удзельнікамі праграмы матэрыялаў зойме ад 1 да 3 тыдняў. Арганізацыям, якія скарыстаюцца праграмай "Грамадскі аўдыт", будуць прадстаўлены далейшыя кансультацыі па выпраўленні знойдзеных у часе праграмы недахопаў і прывядзенні дзейнасці ў адпаведнасць з заканадаўствам.

Зарэгістраваныя ў Беларусі НКА (грамадскія аб’яднанні розных статусаў, установы і фонды) запрашаюцца дасылаць запоўненыя па форме заяўкі на ўдзел у праграме "Грамадскі аўдыт" на адрас электроннай пошты: [email protected] да 20 студзеня 2017 года (у тэме ліста просім пазначаць AUDYT і назву арганізацыі на беларускай альбо рускай мове). Заяўкі прымаюцца толькі ад імя кіраўніка арганізацыі.

Арганізацыі будуць уключаны ў праграму "Грамадскі аўдыт" на падставе конкурснага адбору, праведзенага на падставе паўнаты прадстаўленых заявак і матывацыі для ўдзелу ў праграме.

Пра вынікі конкурснага адбору будзе паведамлена не пазней за 3 лютага 2017 года. Арганізацыям, якія будуць уключаны ў праграму "Грамадскі аўдыт", на падставе індывідуальных кансультацый будзе прапанаваны магчымы час правядзення ацэнкі ў перыяд з лютага па верасень 2016 года.

Больш падрабязнасцей глядзіце таксама на сайце Цэнтра прававой трансфармацыі.