Набор валанцёраў на фестываль "Тыдзень студэнта"

Гэта ўжо другі раз, калі шэраг студэнцкіх арганізацый і ініцыятыў ладзяць яго разам.

У 2014 годзе ў гэтыя даты фэст складаўся з такіх мерапрыемстваў, як  дыскусіі, семінары, сіці-гейм, кінаноч, канцэрт і іншае. Больш падрабязней пра падзеі можна прачытаць на сайце "Тыдня студэнта": studentsweek.info.

Сёлета мы вырашылі пашырыць нашую каманду арганізатараў, бо маем намер зрабіць "Тыдзень студэнта" яшчэ больш дынамічным і яскравым. І для гэтага нам трэба вашая дапамога.

Калі вы жадаеце атрымаць незабыўны досвед валанцёрства ды пракачаць свае скілы ў арганізатарскім накірунку — пераходзце па спасылцы да анкеты.

Якая дапамога патрэбна?

• Лагістыка (дамовіцца з памяшканнем, знайсці людзей, патэліць удзельнікам і інш.);
• Піяр (сацсеткі — нашае ўсё);
• Тэхнічная дапамога на мерапрыемствах (сустракаць удзельнікаў, падрыхтоўваць прастору і г.д.).

Мы набіраем валанцёраў да 25 кастрычніка, а потым арганізуем агульную сустрэчу, дзе больш падрабязна распавядзем што, куды і для чаго.

Абяцаем, што кожная заяўка будзе надзеленая нашай увагай. А калі ўзнікаюць пытаньні, то можна пісаць сюды: [email protected].

Не прапусці магчымасць атрымаць валанцёрскі досвед у камандзе апантаных людзей і прыняць удзел у цікавых мерапрыемствах у ролі арганізатара.