Семінар-кансультацыя "Стварэнне і рэгістрацыя некамерцыйных арганізацый"

Да ўдзелу запрашаюцца прадстаўнікі ініцыятыўных груп з Мінска альбо іншых гарадоў, якія маюць намер распачаць працу па рэгістрацыі грамадскага аб’яднання альбо іншай некамерцыйнай арганізацыі.

Падчас семінара будуць разгледжаны асноўныя арганізацыйна-прававыя формы некамерцыйных арганізацый ды іх адрозненні ў прававым статусе і парадку рэгістрацыі згодна з актуальным заканадаўствам. Удзельнікам будзе прадстаўлена інфармацыя адносна парадку ды практыкі рэгістрацыі грамадскіх аб’яднанняў, устаноў і фондаў, а таксама дадзеныя індывідуальныя кансультацыі ды парады па падрыхтоўцы рэгістрацыйных дакументаў. Удзельнікі семінара будуць мець магчымасць у далейшым скарыстацца кансультацыямі па падрыхтоўцы дакументаў для дзяржаўнай рэгістрацыі некамерцыйных арганізацый ды па іншых прававых пытаннях дзейнасці НДА.

Удзельнікі семінара-кансультацыі атрымаюць трэцяе выданне кнігі Вольгі Смалянкі "Создание некоммерческих организаций в Беларуси", што нядаўна выйшла друкам.

Арганізатары семінара будуць радыя вітаць на мерапрыемстве не больш за аднаго прадстаўніка ад кожнай з ініцыятыўных груп, што маюць намер рэгістраваць некамерцыйную арганізацыю.

Семінар-кансультацыя пройдзе 19 верасня 2015 года ў Мінску, пачатак а 12.00, працягласць — да пяці гадзін.  Месца правядзення будзе паведамлена ўдзельнікам семінара дадаткова.

Каб падаць заяўку на ўдзел у семінары, трэба запоўніць электронную анкету ўдзельніка, якая знаходзіцца па спасылцы. Апошні тэрмін падачы заявак на ўдзел у семінары-кансультацыі: 14 верасня 2015 года, 11.00.