Семінар "Культура як сродак сацыяльнай трансфармацыі": 3-га жніўня — апошні тэрмін прыёму заявак!

Семінар-майстэрня "Культура як сродак сацыяльнай трансфармацыі: інавацыі і невыкарыстаныя магчымасці" — для тых, хто працуе з праблематыкай палітыкі ў сферы культуры, каму хочацца болей, чым толькі захоўваць беларускую культурную своеасаблівасць, хто імкнецца да грамадскіх перамен у сферы і сродкамі культуры, хто шукае магчымасці пашырыць рамкі свайго разумення і дзейнасці!

Мерапрыемства будзе праходзіць 14-16 жніўня 2015 года на адной з турбаз пад Мінскам.

Асноўныя аспекты, якія плануецца закрануць падчас семінара-майстэрні:

• Запатрабаваныя і сензітыўныя зоны беларускага соцыума для працы з культурнымі тэматызмамі (культурная разнастайнасць, доступ да аўдыторыі, ахова і ревіталізація культурнай спадчыны i iнш.);
• Роля і месца культуры ў агульных працэсах трансфармацыі грамадства і грамадзянскай супольнасці;
• Выкарыстанне Канвенцыі ЮНЕСКА "Аб ахове і падтрымцы разнастайнасці форм культурнага самавыражэння" i iншых мiжнародных механiзмаў як сродка грамадскага кантролю і адвакатыўнага ўплыву на палітыку ў сферы культуры;
• Актуальныя інавацыйныя сродкі дзейнасці культурніцкіх ініцыятыў, якія могуць быць запатрабаваныя і эфектыўныя ў беларускай сацыяльна-культурна-палітычнай прасторы;
• Магчымасці распаўсюду інфармацыі і выхаду на шырокія мэтавыя групы;
• Праектнае планаванне і праектны менеджмент для суб’ектаў сферы культуры.

У межах семінара-майстэрні будуць арганізаваныя майстар-класы, экспертныя сустрэчы і дыскусіі з выбітнымі прадстаўнікамі грамадскага сектара і культурніцкай сферы ў Беларусі.

У выніку, удзельнікі семінара-майстэрні:

• Прадставяць свае ідэі і бачанне патрэбаў і магчымасцей рэформ і дзеянняў у сферы і сродкамі культуры на карысць беларускага грамадства;
• Распрацуюць папярэднія ідэі праектаў і абмяркуюць іх з адпаведнымі экспертамі;
• Больш глыбока азнаёмяцца і засвояць магчымасці Канвенцыі ЮНЕСКА і яе рэгулярнага маніторынгу;
• Разбудуюць сваю сетку прафесійных кантактаў з арганізацыямі і экспертамі, што працуюць у разнастацных policy-зонах беларускай культурніцкай прасторы.

Колькасць месцаў абмежаваная. Арганізатары забяспечваюць асноўныя выдаткі па правядзенні мерапрыемства (пражыванне, харчаванне, праезд). Жадаючым прыняць удзелу ў семінары-майстэрні неабходна да 3 жніўня 2015 года даслаць запоўненую анкету-заяўку на адрас электроннай пошты: [email protected].

Інфармацыя пра семінар-майстэрню таксама будзе даступная на нашым сайце: EuroBelarus.Info.

Чакаем вашыя заяўкі!