Статкевіч склікае сёння на акцыю пратэсту супраць дыктатуры

Экс-палітвязень, кандыдат на выбарах 2010 г. Мікалай Статкевіч заклікаў людзей сабрацца 24 лістапада а 18:00 каля сталічнага ГУМа. Пра гэта ён паведаміў у сваім фэйсбуку.

"24 лiстапада 1996 года у Беларусi адбыўся рэферэндум. Асноўныя пытаннi рэферэндуму былi прызнаны Канстытуцыйным судом толькi кансультатыўнымi, пра што сведчылi адпаведныя запiсы на кожным бюлетэнi. Рэферэндум прайшоў са шматлiкiмi парушэннямi", — цятуе палітыка "Наша Ніва". 

Таксама ён прапануе ўшанаваць зніклых беларускіх грамадскіх дзеячаў.

Па вызваленні з турмы ў жніўні Статкевіч зладзіў некалькі акцый у Мінску. Апошняя прайшла 29 кастрычніка каля будынка КДБ у памяць пра рэпрэсаваных сталінскім рэжымам.