Статкевіч заклікае на акцыю "ў гадавіну ўсталявання дыктатуры"

"Асноўныя пытаннi рэферэндуму былi прызнаны Канстытуцыйным судом толькi кансультатыўнымi, пра што сведчылi адпаведныя запiсы на кожным бюлетэнi. Рэферэндум прайшоў са шматлiкiмi парушэннямi. Напрыклад, падчас 10-дзённага папярэдняга галасавання ў многiх раёнах "прагаласавалi" амаль 100% выбаршчыкаў", - піша Мікалай Статкевіч на сваёй старонцы ў Фэйсбуку. 
"Нягледзячы на кансультацыйны статус рэферэндуму, па яго вынiках тады яшчэ легiтымны прэзiдэнт лiквiдаваў падзел уладаў i надаў сабе дыктатарскiя паўнамоцтвы. Што можна трактаваць як канстытуцыйны пераварот. Акрамя таго, ён без выбараў павялiчыў тэрмiн сваiх паўнамоцтваў на 2,5 гады, што на погляд незалежных юрыстаў класiфiкуецца як асаблiва цяжкае злачынства (артыкул 357 КК " Працяг дзяржаўных паўнамоцтваў неканстытуцыйным шляхам"), за якое можа быць прызначана смяротнае пакаранне.
Перад рэферэндумам, каб аслабiць супрацiў перавароту, быў пазбаўлены сваёй пасады мiнiстр унутраных спраў Юрый Захаранка, якi заяўляў, што служыць найперш Закону. Ужо падчас рэферэндуму быў незаконна пазбаўлены пасады старшыня Цэнтральнай выбарчай камiсii Вiктар Ганчар. У 1999 годзе абодва яны былi выкрадзены i забiты на прамы загад дыктатара.
У чарговую гадавiну ўсталявання дыктатуры ў нашай краiне мы ўшануем памяць тых, хто ахвяраваў сваiм жыццём дзеля свабоды Беларусi. Мы не ведаем, дзе пахаваны Юры Захаранка i Вiктар Ганчар. Таму мы прыйдзем да месцаў, дзе яны працавалi - да будынкаў МУС i ЦВК, каб запалiць каля iх знiчы памяцi аб забiтых".
Плануецца, што збор на акцыю распачнецца ў 18.00 24 лiстапада каля ГУМа.