Эканаміст: Крытыка ў бок МВФ для ўнутранага карыстання, улады згодныя на рэформы

 "Так, хочацца атрымаць тры мільярды таннага крэдыту... Я таксама за. Але цана зусім непад'ёмная для нас і несправядлівая ў адносінах да народа, перакрэслівае ўсю палітыку, якую мы праводзілі да гэтага часу", ― сказаў Аляксандр Лукашэнка.

Ён таксама заявіў, што падчас перамоваў з МВФ трэба безумоўна ўлічваць інтарэсы беларускага народу. Аляксандр Лукашэнка гаворыць, што патрабаванні МВФ беларускі бок не адрынуў, а настойвае на пэўным "эвалюцыйным працэсе" ў іх рэалізацыі.

Не самую зразумелую пазіцыю кіраўніцтва Беларусі для Еўрарадыё тлумачыць эканаміст Сяргей Чалы.

"Там прагучала фраза, што мы вось рэформы ўжо ўсе зрабілі. Якія ад нас прасілі. У тым сэнсе, што так, нам гэта трэба. Хворы згодны лячыцца так, як гэтага патрабуюць дактары"... І гэтых коркаў было зроблена нямала ― падвышэнне пенсійнага ўзросту, пачатак рэформ у сферы ЖКГ... На самой справе было шмат зроблена", ― гаворыць эксперт.

На думку Сяргея Чалага, фраза "мы ўсе рэформы правялі" азначае, што праца над памылкамі зробленая. І чыноўнікам МВФ не трэба звяртаць увагу на словы. Бо словы ў нас прызначаныя для ўнутранага карыстання. Таму што калі будзе сказана нешта іншае, то "народ не зразумее". Маўляў, таму для агульнага карыстання ў Беларусі гучаць выказванні накшталт таго, што палітыка МВФ накіраваная на "абнішчэнне сялянскага і рабочага народа".