Рэпарцёры без межаў: Свабоды інфармацыі стала меней

У дзвюх трацінах са 180 даследаваных краінаў узровень свабоды СМІ панізіўся ў параўнанні з папярэднім годам, паведамляе Радыё "Свабода".

Найлепшыя паказнікі - у Фінляндыі, Нідэрландаў і Нарвегіі. Найгоршы рэйтынг - у Туркменістана (178), Паўночнай Карэі (179) і Эрытрэі (180).

Арменія - на 78-м месцы, Грузія - 84, Таджыкістан - 115, Украіна - 129, Расія - 148. Беларусь у гэтым рэйтынгу - на 157-м месцы, такім самым, як і летась. За ёй ідзе Пакістан (158), далей - Азербайджан (160), Казахстан (161), Узбекістан (166).

"Рэпарцёры без межаў" адзначаюць, што многія краіны спасылаюцца на абарону інтарэсаў нацыянальнай бяспекі, накладаючы абмежаванні на свабоду прэсы.

Індэкс свабоды прэсы публікуецца штогод і вымярае ўзровень свабоды распаўсюду інфармацыі ў 180 краінах па цэлым шэрагу крытэраў, якія ўключаюць плюралізм СМІ і іх незалежнасць, павагу да бяспекі і свабоды журналістаў ды стан заканадаўчага, інстытуцыйнага і інфраструктурнага асяроддзя, у якім журналісты працуюць.