|
Дэпутаты Эўрапарламэнта заклікалі Эўразьвяз аказаць ціск на рэжым Лукашэнкі |
|
15.07.2008 |
|
Група сацыялістаў у Эўрапарлямэнце зьвярнулася да кіраўніцтва
Эўразьвяза з патрабаваньнем «аказаць ціск на рэжым Лукашэнкі з тым, каб
гарантаваць дэмакратычныя выбары».
«Вельмі цяжка прадбачыць любыя істотныя зьмены ў перадвыбарнай сытуацыі ў Беларусі», -- заявіў віцэ-прэзыдэнт групы сацыялістаў у Эўрапарлямэнце Ян Марынус Вірсма.
«Я баюся, што яны чарговым разам ня будуць ні свабоднымі, ні справядлівымі» , -- адзначыў дэпутат Эўрапарламэнта.
Група
сацыялістаў у Эўрапарлямэнце з’яўляецца другой паводле колькасьці ды
ўплыву на фармаваньне грамадзкай думкі ў краінах кантынэнту. Яна -
арганізатар дыскусіі, прысьвечанай перадвыбарнай сытуацыі ў Беларусі,
умовам правядзеньня выбараў ды пэрспэктывам беларускіх левых партый,
якая павінна прайсьці сёньня ў Брусэлі.
Ад
беларускага боку ў ёй возьмуць удзел лідэры дзьвюх сацыял-дэмакратычных
партый зь Беларусі: Станіслаў Шушкевіч (Беларуская сацыял-дэмакратычная
Грамада) і Мікалай Статкевіч (Беларуская сацыял-дэмакратычная партыя
(Народная грамада)), а таксама Вольга Казуліна, дачка палітвязьня і
старшыні Беларускай сацыял-дэмакратычнай партыі (Грамада). Пра гэта
паведамляе «Радыё Свабода» са спасылкай на інтэрнэт-сайт парлямэнцкай
групы.
Круглы стол ў Эўрапарлямэнце пачнецца а 17-й гадзіне паводле мясцовага часу.
Спасылка |
