|
У Брусэлі пратэстуюць працаўнікі польскіх сударэмонтных прадпрыемстваў |
|
26.06.2008 |
Апоўдні ў Брусэлі пачаўся пікет, зладжаны
працаўнікамі польскіх сударэмонтных прадпрыемстваў. Зьвязаўская камісар
па пытаньнях канкурэнцыі Нэлі Крус атрымала ад іх пэтыцыю з
патрабаваньнем захаваць прадпрыемствы ў Гдыні, Гданьску й Шчэціне.
Пікетчыкі
патрабуюць, каб Эўразьвяз зацьвердзіў дапамогу польскага ўраду, якая
была прызнаная прадпрыемствам пасьля далучэньня Польшчы да эўрапейскай
супольнасьці.
Камісар заявіла, што прыме канчатковае рашэньне
пасьля таго, як пазнаёміцца з плянамі мадэрнізацыі, якія да заўтрашняга
дня павінен даслаць польскі ўрад.
Палякі просяць прадоўжыць тэрмін, прызначыны на пошукі новых
інвэстараў для прадпрыемстваў, на якіх, як зазначаецца ў пэтыцыі,
працуюць высокакваліфікаваныя адмыслоўцы й выкарыстоўваюцца сучасныя
тэхналёгіі. Калі Эўразьвяз не паставіцца прыхільна да просьбы палякаў,
адно рашэньне можа пазбавіць працы 80 тысяч асобаў.
Спасылка |
