|
1 верасня стартуе фотаконкурс “Беларусь, якую заўтра мы не ўбачым”, які ладзіць ГА “Беларуская асацыяцыя журналістаў” (БАЖ) у межах медыя-кампаніі “Журналісты за гістарычную спадчыну” ( "БАЖ" ). Тры пераможцы конкурсу атрымаюць дыпломы і падарункі ад БАЖ.
Конкурс мае на мэце прыцягнуць увагу журналістаў і грамадскасці да праблемы захавання гістарычнай спадчыны Беларусі. Да ўдзелу ў ім запрашаюцца не толькі сябры БАЖ, але і ўсе журналісты друкаваных і электронных беларускіх СМІ.
Паводле Палажэння аб фотаконкурсе, якое зацвердзіла Праўленне БАЖ 28 жніўня, спаборніцтвы пройдуць у два этапы: з 1 па 30 верасня 2007 году журы прымае работы, а з 1 па 15 кастрычніка праходзіць падвядзенне вынікаў конкурсу і ўганараванне пераможцаў.
Кожны ўдзельнік можа даслаць на конкурс не больш як 3 фотаздымкі, якія адлюстроўваюць праблематыку захавання гістарычнай спадчыны.
Пад фотаздымкам павінна быць пазначана:
- імя і прозвішча аўтара;
- кантактны тэлефон;
- месца і час, калі быў зроблены здымак;
- назва здымка (пажадана).
Фармат фотаздымкаў выбірае аўтар.
Фотаздымкі дасылаюцца ў электронным выглядзе на адрас:
Этот адрес e-mail защищен от спам-ботов. Чтобы увидеть его, у Вас должен быть включен Java-Script
У тэме ліста павінна быць пазначана «Медыя-кампанія».
Работы ўдзельнікаў конкурсу будуць вывешаныя на Інтэрнэт-старонцы медыя-кампаніі «Журналісты за гістарычную спадчыну» (www.spadchyna.ximik.info), дзе кожны наведвальнік зможа ацаніць іх па 5-бальнай сістэме. Той фотаздымак, які набярэ найбольшую колькасць галасоў, атрымае спецыяльны прыз.
Журы будзе звяртаць асаблівую ўвагу на адпаведнасць тэматыцы і актуальнасць конкурсных фотаздымкаў.
Лепшыя фотаздымкі канкурсантаў увойдуць у экспазіцыю выставы «Беларусь, якую заўтра мы не ўбачым».
Прэс-служба ГА “Беларуская асацыяцыя журналістаў” |
