Падтрымка Еўразвяза для Беларусі

Падтрымка, якая прадстаўляецца Беларусі Еўрапейскім Звязам, базуецца на пазітыўных высновах Рады ЕЗ па Агульных Пытаннях і Знешніх Сувязях (GAERC). Першыя высновы GAERC былі зроблены ў 1997 годзе, абноўлены ў лістападзе 2004 г., лістападзе 2005 г. і студзені 2006г. (і) вы умовах абмежаваных палітычных кантактаў і (іі) дзеля сувязяў і падтрымкі іншых удзельнікаў грамадзянскай супольнасці.

Для Беларусі былі адкрытымі магчымасці ўдзела ў праграме Tacis, але з іншага боку, былі і ўсё яшчэ застаюцца шматлікія цяжкасці ў прадстаўленні дапамогі недзяржаўным арганізацыям Беларусі. Дапамога ЕЗ беларускай грамадзянскай супольнасці была структуравана праз праграму Tacis. У адпаведнасці з працэдурамі, прынятымі ўладамі Беларусі ў дачыненні да міжнароднай тэхнічнай дапамогі, прадстаўленне такой дапамогі ў межах праграмы Tacis для беларускіх НДА было ў вялікай ступені ўскладнена, пачынаючы з 2002 года. 

З мэтай пашырэння магчымасцей падтрымкі Беларусь была ўключана ў спіс краін, для якіх існуе магчымасць рэалізацыі праектаў у рамках Праграмы "Дэцэнтралізаванае супрацоўніцтва" на 2004-2005гг. У межах гэтай праграмы на дадзены момант у стане рэалізацыі знаходзяцца 16 праектаў.

Новы інструмент для недзяржаўных арганізацый на перыяд 2007-2010 гг. знаходзіцца ў стадыі абмеркавання ў адпаведных органах Камісіі. Прадугледжваецца, што новы інструмент заменіць сабой праграмы "Су-фінансаванне з НДА" і "Дэцэнтралізаванае супрацоўніцтва". Прадугледжваецца, што Беларусь будзе сярод краін, на яікія распаўсюджваецца гэты інструмент.

21 лістапада 2006 года Камісія прыняла дакумент, які апісвае, што Еўразвяз можа прапанаваць Беларусі, калі краіна пойдзе па шляху дэмакратызацыі, павагі да правоў чалавека і верхавенства закона (так званая non-paper "Што Еўрапейскі Звяз можа даць Беларусі"). Дакумент змяшчае канкрэтныя прыклады таго, якія перавагі народ Беларусі можа атрымаць ад больш шчыльных адносінаў паміж ЕЗ і Беларуссю ў межах Еўрапейскай Палітыкі Добрасуседства (ENP).