Праграма падтрымкі Беларусі Фэдэральнага Міністэрства па Эканамічнаму Супрацоўніцтву і Разьвіцьцю
Фэдэральнае Міністэрства эканамічнага супрацоўніцтва і разьвіцьця ФРГ з 2002 году дае сродкі на фінансаваньне нямецка-беларускіх партнэрскіх праектаў ў межах Праграмы падтрымкі Беларусі. Асноўная мэта Праграмы – падтрымка і разьвіцьцё беларускай грамадзянскай супольнасьці. Асаблівае месца ў Праграме належыць падтрымцы грамадзянскіх ініцыятываў, што базуюцца на партнэрстве паміж некамэрцыйнымі дабрачыннымі арганізацыямі Беларусі і Германіі.
Рэалізацыю праграмы ажыцьцяўляе Association for International Education & Exchange (the IBB) – незалежная НДА.

Інфармацыю аб праграме можна знайсьці на сайце:
www.ibb-d.de
http://www.ibb-d.de/belarus.html

Фонд "Памяць і Будучыня" (Erinnerung, Verantwortung und Zukunft)
Фонд падтрымлівае міжнародныя праекты, што спрыяюць супрацоўніцтву між Нямеччынай і краінамі-ахвярамі фашысцкай акупацыі. З гэтай мэтай быў створаны фонт “Памяць і Будучыня” з пачатковым капіталам у 358 мільёнаў эўра. Ад прыбыткаў з гэтых грошай фонд ажыцьцяўляе спонсарства ў гэткіх кірунках: крытычны падыход да вывучэньня гісторыі; падтрымка дэмакратыі і абарона правоў чалавека; дапамога пацярпелым ад фашызму.

Дадатковая інфармацыя на сайце: www.stiftung-evz.de

Фонд Роберта Боша (Robert Bosch Stiftung)
Фонд Роберта Боша – адзін з буйных нямецкіх дабрачынных фондаў пры прыватных кампаніях. Заснаваны ў 1964, ён ажыцьцяўляе філянтрапічныя і грамадзкія высілкі  Роберта Боша (1861-1942). Фонд ёсьць адначасна арганізацыяй-спонсарам і арганізацыяй-выканаўцай; выкарыстоўвае розныя сродкі дзеля станоўчых зьменаў у грамадзтве і ягоных інстытуцыях.

Дадатковая інфармацыя: www.bosch-stiftung.de

Швэдзкае Міжнароднае агенцтва па разьвіцьці супрацоўніцтва (SIDA)

На мэце SIDA – зрабіць свой унёсак у паляпшэньне жыльлёвых умоваў бедных.
Дапамагаючы ў працы НДА, агенцтва разьлічвае стымуляваць разьвіцьцё дынамічнай і дэмакратычнай грамадзянскай супольнасьці ды ўмацаваць партнэрскія арганізацыі. Фінансы разьмяркоўваюцца праз 15 аб’яднаных арганізацый, якія прымаюць усе заяўкі ад сваіх дачэрніх групаў, заявы накіроўваюцца ў SIDA, дзе і прымаюцца рашэньні. Пры тым НДА абавязана ўнесьці прынамсі 10% агульнай сумы сродкаў на праект ці праграму.

Дадатковая інфармацыя на сайце:
www.sida.se
Стратэгія SIDA па Беларусі:
www.sweden.gov.se

Швэдзкі Усходне-Эўрапейскі Камітэт Аховы Здароўя (OEK)
Швэдзкі Усходне-Эўрапейскі Камітэт Аховы Здароўя (OEK) – гэта недзяржаўная прафэсыйная арганізацыя. ВЕК быў створаны, каб садзейнічаць стабільнаму разьвіцьцю ў галіне мэдыцыны і аховы здароўя, а таксама сумежнай зь імі сацыяльнай сфэры ў суседніх краінах Усходняй Эўропы. Ад наладаваньня кантактаў і адукацыйных паездак Камітэт перайшоў да больш буйных стратэгічных праектаў рэформ аховы здароўя, улучна з партнэрскімі праграмамі і абменам досьведам ц сфэры мэдыцыны. Канчатковая мэта – стварэньне сістэмы эфэктыўнай аховы здароўя і актывізацыя абмену досьведам і ноу-хау ў мэдыцыне і сумежных сфэрах дзейнасьці.
ВЕК атрымлівае штогод субсыдыі ад SIDA.
Сумесная праца з Беларусьсю пачалася ў 2006 годзе. Беларускае Міністэрства аховы здароўя выказала зацікаўленасьць праектамі ў сэктары прапаганды здаровага ладу жыцьця, папярэджаньня сардэчна-сасудзістых захворваньняў і барацьбы з дзіцячым траўматызмам.

Дадатковая інфармацыя на сайце: www.oek.se

Швэдзкі цэнтар развіцьця міжнароднага супрацоўніцтва няўрадавых арганізацый ФОРУМ СЮД (FORUM SYD)
Форум Сюд – гэта арганізацыя, якая яднае дзьвесьце швэдзкіх грамадзкіх арганізацый, якія працуюць у сфэры разьвіцьця міжнародных стасункаў і фармаваньня погляду на падзеі сусьветнага маштабу. Яе мэта – умацаваць і разьвіць супрацоўніцтва між грамадзкімі арганізацыямі ў Швэцыі і краінамі поўдня і ўсходу.  Праекты Forum Syd атрымліваюць фінансавую падтрымку ад SIDA.

Дадатковая інфармацыя на сайце: www.forumsyd.org

Праграма Добрасуседзтва 

Галоўная мэта праграмы Добрасуседзтва Міністэрства замежных спраў Даніі – разьвіцьцё адкрытага, дэмакратычнага грамадзтва, заснаванага на падмурках права і ўмацаванага стабільным эканамічным і палітычным разьвіцьцём. Праграма супрацьстаіць стварэньню новых бар’ераў між ЭЗ і ягонымі суседзямі. Асноўныя сфэры: абарона правоў групаў рызыкі, прыкладам, бежанцаў і мяншыняў; барацьба з нелегальнай міграцыяй; рэфармаваньне і разьвіцьцё “трэцяга сэктара”; разьвіцьцё грамадзянскай супольнасьці; праграмы бізнэс-сэктару;  падтрымка свабодных і незалежных СМІ. Мэта праграмы грамадзянскай супольнасьці ў Беларусі – умацаваць  супольнасьць і садзейнічаць удзелу грамадзянаў у разьвіцьці грамадзтва на ўсіх узроўнях.

Дадатковая інфармацыя: www.um.dk
Там жа можна пазнаёміцца са Стратэгіяй для Беларусі 2008 – 2012.

Швейцарская управа па развіццю і супрацоўніцтву 

Праграма гуманітарнай дапамогі Швейцарскай Канфедэрацыі Рэспубліцы Беларусь пачалася ў 1993 годзе. Швейцарскі офіс па супрацоўніцтве ў Беларусі каардынуе дзейнасць у межах гэтай праграмы. Ён адносіцца да Управы па развіццю і супрацоўніцтву  (ШУРС) Міністэрства замежных спраў Швейцарыі.

У Рэспубліцы Беларусь ШУРС у дадзены час вядзе працу ў трох асноўных галінах дзейнасці:

Здароўе і сацыяльная рэабілітацыя:
Паляпшэнне здароўя і ўмоў жыцця чалавека, які пражывае на забруджанай тэрыторыі і сацыяльная рэабілітацыя і інтэграцыя людзей з асаблівасцямі псіхічнага і фізічнага развіцця.

Узмацненне ролі мясцовых супольнасцей:
Забеспячэнне доступу да інфармацыі для сельскага насельніцтва з дапамогай сучасных камунікацыйных тэхналогій і развіццё механізмаў самадапамогі ў межах мясцовых супольнасцей.

Перадухіленне і падрыхтоўка да ліквідацыі надзвычайных сітуацый:
Развіццё сродкаў папярэджвання і ліквідацыі наступстваў катастроф; дапамога ў арганізацыі абароны грамадзянскага насельніцтва; перадухіленне і падрыхтоўка да ліквідацыі тэхнагенных катастроф.

http://www.sdc.by

Праграма «Матра» (Matra)
Міністэрства замежных краін Нідэрляндаў садзейнічае умацаваньню грамадзянскай  супольнасьці ў ў Цэнтральнай ды Ўсходняй Эўропе.  Назва праграмы «Матра» - ад галяндскага 'maatschappelijke transformatie' – сацыяльная трансфармацыя. Праекты маюць на мэце ўмацаваньне інстытутаў і падвышэньне эфэктыўнасьці працы цэнтральнага кіраўніцтва, мясцовых органаў улады і асабліва НДА. Яны таксама разьлічаны на паляпшэньне ўзаемадзеяньня паміж урадам і грамадзянскай супольнасьцю і дапамогу ў дасягненьні ў пытаньнях ўмацаваньня дэмакратыі і права.  «Матра» дзейнічае на тэрыторыі краін: Армэнія, Беларусь, Баўгарыя, Харватыя, Чэхія, Эстонія, Грузія, Вэнгрыя, Латвія, Літва, Малдова, Чарнагорыя, Марока, Польшча, Румынія, Расея, Сэрбія, Славакія, Турцыя і Украіна.

Дадатковая інфармацыя:
www.minbuza.nl

Праграма Малых Праектаў (Matra/KAР)
Праграма малых праектаў Matra / KAР ажыцьцяўляецца праз 11 амбасадаў у краінах Цэнтральнай і Ўсходняй Эўропы і консульства ў Санкт-Пецярбургу. Праграма прымае заяўкі з 15 краінаў: Беларусь, Баўгарыя, Вэнгрыя, Латвія, Літва, Польшча, Расея, Румынія, Славакія, Славенія, Турцыя, Украіна, Харватыя, Чэхія, Эстонія. Беларускія прэтэндэнты могуць зьвяртацца ў Амбасаду Каралеўства Нідэрляндаў у Варшаве ў любы час і падаваць заяўкі ў вольнай форме.

www.nlembassy.pl

Міністэрства замежных спраў Польшчы

Міністэрства Замежных спраў Польшчы прадстаўляе дапамогу краінам-партнэрам (у тым ліку Беларусі) паводле конкурсу.
Інфармацыя пра звароты і вынікі па іх на сайце:
www.msz.gov.pl